首先, 回顧一下過去呢兩星期
上文所講的MPF買入方式已經到了9成, 尚差5里(約20000點)未入手, 上文當天恆指跌幅收窄由22500上番24000, 之後繼續2星期下跌之旅, 果真係跌得非常之急, 藍籌股一星期就可以跌一至兩成, 股價及息口已經十分之吸引, (宜家又去番23500, 但股價及息口都重係好吸引)。而小弟都做左個好重大的決定去開放自己手頭上現金流去買貨(呢個下一篇文再講)。
疫情變化
本港疫情: 3月中本港疫情一路向好, 各機構及政府已經積極準備全面復工復課。直至上星期出現外國回流潮引發第三波爆發, 暫時已經算小型群組爆發, 情況仍需觀察。環球(西方國家)疫情: 仍然不斷上升, 只係意法同西班牙每日新增開始冇新高, 但係呢個上升速度不容樂觀, 維持呢個死城情況個幾月對所有行業同日常消費都會嚴重影響, 暫時未見曙光。
中國疫情: 官方數據十分靚仔。
東南亞疫情: 東南亞今次疫情控制同表現最好, 南韓情況都已經開始控制左落黎。
環球金融對策:
美國:
Fed無上限QE 亞股激彈日股漲逾700點
終於......連週不斷的下跌令美國出埋終極一招, 基本大技已出, 叫做暫時穩住股市, 美國確診人數全世界第一都讓佢死亡率相對地低, 暫時情況不太樂觀但疫情上人為手段正確。只怕起現在信心咁差時間再公佈一些較差的經濟data已經好容易引發第二輪慘跌。
歐洲:
歐洲的國家都憧憬著發債同放水, 又係一招不停引錢買債, 基本已經成個歐洲都弱到一個點。銀行今年bad debt都會急劇上升,
歐洲央行更籲銀行10月前停派息, 保留應付bad debt cash flow.
經過歐債....疫情....整個EU入面經濟未來5-10年真係難言復甦。
中國:
央行加大貨幣政策寬鬆力度, 但係力度同西方各國相比相對溫和, 復都唔知係未真, 但係相對人民服從性強, 恢復力有望更快。問題係製造業有冇單, 起各國消費同需求減少情況下, 出口同製造業訂單問題會逐一現形。
預期: 經濟數據會短期內一路變差, 應該仲有買平貨機會。
